Búgin Májiliste jınaqtaýshylyq ómirdi saqtandyrýdy damytý maqsatyn kózdeıtin zań jobasy ekinshi oqylymda talqyǵa salynady
ASTANA. Mamyrdyń 27-si. QazAqparat - Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine saqtandyrý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda talqyǵa salynady,
dep habarlaıdy QazAqparat.
Bul zań jobasy boıynsha Qazaqstan Respýblıkasy Parlamenti Májilisiniń Qarjy jáne bıýdjet komıteti qorytyndy shyǵardy.
Zań jobasynyń negizgi maqsaty jınaqtaýshylyq ómirdi saqtandyrýdy damytý maqsatynda Qazaqstan Respýblıkasynyń saqtandyrý zańnamasyn odan ári jetildirý qajettiligi, saqtandyrý deldaldyǵy qyzmetiniń naqty quqyqtyq negizderin belgileý, saqtandyrý statıstıkasynyń tolyqqandy biryńǵaı bazasyn qalyptastyrý jolymen tarıftik saıasat máselelerin sheshý, otandyq praktıka men halyqaralyq tájirıbeni eskere otyryp, saqtandyrý naryǵynyń ınfraqurylymyn damytý bolyp tabylady.
Parlament Májilisiniń barlyq komıtetteri zań jobasy boıynsha oń qorytyndylaryn berdi.
Osy zań jobasy boıynsha kelip túsken barlyq usynystar múddeli mınıstrlikter men vedomstvolar, sondaı-aq birqatar úkimettik emes uıymdar ókilderiniń qatysýymen jumys tobynyń on bir otyrysynda talqylandy. Jumys tobyna 200-den astam usynys kelip túsken. Onyń 186 pozıtsııasy qabyldanǵan, qalǵan túzetýlerdi bastamashylar talqylaý barysynda alyp tastady.
Qazaqstan Respýblıkasy Parlamenti Májilisi Reglamentiniń 38-tarmaǵyna sáıkes zań jobasyn ekinshi oqylymǵa daıyndaý barysynda depýtattar naqtydaý sıpatyndaǵy úsh túzetý engizgen, olarǵajumys tobynyń músheleri qoldaý bildirgen.
Zań jobasyna usynylǵan túzetýler salystyrma kestege engizilgen.
