Búgin - Maıkl Djekson qaıtys bolǵan kún

Ánshi ólimine onyń jeke dárigeri Konrad Mıýrreı kináli dep esepteledi, óıtkeni ol mólsherinen artyq propofol dozasyn qabyldaýǵa keńes bergen, sonyń saldarynan dári ózge preparattarmen áreketteskende Djeksonnyń ólimine ákelgen.

Shyǵarmashylyq jolynda Maıkl Djeksonnyń albomy álem boıynsha 750 mıllıon danamen tarady. Thriller albomy áli kúnge deıin eń kóp satylatyn jınaq bolyp tabylady jáne taǵy tórt albom (Off the Wall, Bad, Dangerous jáne HIStory) álemdegi eń kóp satylatyn jınaqtar qataryna kiredi. Bul týraly Eýrazııa birinshi arnasy  habarlady.

Ánshi 350-den astam mýzykalyq syılyqqa ıe boldy, sonyń ishinde 15 «Gremmı» syılyǵy bar (14-i jeke oryndaýshylyq sheberligi úshin bolsa, bir syılyq - Jackson Five quramynda).

Djekson - rok-n roll zalyna eki ret engen azǵana mýzykanttyń biri.

Óz ómirinde Maıkl Djekson kóptegen plastıkalyq ota jasatty, onyń teń jartysyna teriniń sırek kezdesetin genetıkalyq vıtılıgo aýrýy sebep bolǵan. Ánshiniń terisi 1980 jyldan bastap aǵara bastady. Djekson óziniń teri túsin ádeıi aýystyryp jatqanyn joqqa shyǵarǵan bolatyn.

Pop-mýzyka koroliniń densaýlyǵyna aýrý men otalar ǵana áser etken joq. Ol eki ret kishkentaı balalardy zábirleý isi boıynsha 1993, 2003 jyldary sot aldynda jaýap berdi. Alǵashqy is aıǵaqtardyń jetkiliksizdiginen jabyldy. Ekinshi sot isiniń nátıjesinde Djekson tolyǵymen aqtalyp shyqty.

Óz ǵumyrynda ánshi eki ret úılengen. Alǵash ret Elvıs Preslıdiń qyzy Lıza-Marııa Preslımen otasty. Alaıda neke uzaqqa sozylmady, olar 1994-1996 jyldar aralyǵynda ǵana birge turdy, degenmen ajyrasqannan soń da ekeýi dos bop qaldy. 1996 jyly Maıkl Djekson burynǵy medbıke Debbı Roýǵa úılendi. Úsh jyl otasqannan keıin olardyń eki balasy ómirge keldi: úlkeni Prınts Maıkl Djozef Djekson (1997) men qyzy - Perıs-Maıkl Ketrın Djekson (1998). Ánshiniń úshinshi uly Prınts Maıkl Djekson II (2002) sýrrogatty anadan týyldy.

Esterińizge sala keteıik, Maıkl Djekson 2009 jyly 25 maýsymda 50 jasynda kenetten qaıtys bolǵan edi.