Búgin máskeýlikter retro-avtobýstar sherýin tamashalaıdy (FOTO)
ASTANA. QazAqparat - Búgin Máskeýde qaladaǵy qoǵamdyq kóliktiń júre bastaǵanyna 90 jyl tolýyna baılanysty retro-avtobýstar parady ótedi. Sherý Lenıngrad dańǵylynan bastalyp, Akademıka Saharov kóshesinde aıaqtalady, dep habarlady ITAR-TASS.
Ár jyldary shyǵarylǵan kólikter el nazaryna usynylady, sonyń ishinde shanaǵy aǵashtan jasalyp, temirmen qaptalǵan ataqty ZıS-8 avtobýsy da bar. Bul soǵysqa deıingi avtobýstardan qalǵan jalǵyz dana eken. Sonymen qatar, búgin 1970 jyldary shyǵa bastaǵan alǵashqy «Ikarýs-280» avtobýsy da júrip ótedi.
Merekelik sharada qalalyq transport murajaı qyzmetkerleri kólikterdiń tarıhy men erekshelikteri týraly aıtyp beredi.
Qoǵamdyq kólik Máskeýde eń alǵash ret 1924 jyldyń 8 tamyzynda júripti. Ol kezdegi avtobýs marshýrtynyń uzyndyǵy 8,5 shaqyrym bolǵan eken. Al bul kúnde Reseı astanasynda 7 myń shaqyrym bolatyn mejede 668 qoǵamdyq kólik qatynap, 4 mln.astam adamdy tasıdy eken.
