Búgin Madrıdte BUU-nyń klımat jónindegi 25 konferentsııasy bastalady
Ispanııa astanasynda 2 -13 jeltoqsan aralyǵynda klımattyń ózgerýine baılanysty «BUU» klımat ózgeristeri jaıyndaǵy ramalyq konventsııasy konferentsııasynyń 25 sessııasy ótedi.
Aldynda Chılıde ótýi tıis bolǵan sammıtke 196 eldiń delegatsııasy qatysady dep kútilýde. Olardyń ishinde 50-ge jýyq memlekettiń basshylary bar.
Aıta keter jaıt, Ispanııadaǵy alqaly jıyn Chılıdiń tóraǵalymen ótpek. Ispanııa Ekologııa mınıstri Teres Rıber: «Taıaý ýaqytta konferentsııa ótkiziletin oryn Ispanııa terrıtorııasy emes, BUU men Chılı aýmaǵyna aınalady. Klımatty qorǵaýǵa belsene kirisetin kez kelip jetti»,-dep atap ótti.
Kelissózderdiń bastalýynan bir apta buryn BUU sarapshylary baıandamalaryn jarııa etken bolatyn. Onda Jer betindegi parnıktik gazdar jıyntyǵynyń rekordtyq deńgeıge kóterilgendigi, Parıjdegi klımat jónindegi kelisimde qabyldanǵan mindettemege qaramastan ónerkásiptiń ósý qarqyny tómendemeı otyrǵandyǵy kórsetilgen edi.
