Búgin Londonda jeńil atletıkadan álem chempıonaty bastalady

Keshe osyǵan oraı Londonda Halyqaralyq jeńil atletıka federatsııasynyń (IAAF) 51- Kongresi ótti. Onda kóptegen ózekti máseleler boıynsha naqty sheshimder qabyldanyp, sheshimin tappaǵan máseleler talqylandy. Sondaı-aq, onda ár qurlyqtyń ulttyq federatsııalary qaýymdastyǵy baıandama jasap, atqaryp jatqan jumystary jaıly esep berdi.

Esterińizge sala keteıik, Londondaǵy álem birinshiligine 205 elden 2034 sportshy qatysady. Olar jeńil atletıkanyń 48 túrinen óz baqtaryn synaıdy. Negizi buǵan deıin álem chempıonatynda 47 saıys bolǵan edi. Osy joly IAAF Keńesi áıelder arasynda 50 shaqyrymǵa sporttyq júris baǵdarlamasyn qosty.

Al bul dodada Qazaqstan namysyn «Tumandy Albıonda» 13 sportshy qorǵaıdy. Olar - Olga Rypakova, Marııa Ovchınnıkova (ekeýi de - úsh qarǵyp sekirý), Vıktorııa Zıabkına (200 metr jáne 4h100 metrge estafetalyq júgirý), Polına Repına, Georgıı Sheıko, Regına Rykova, Dıana Aıdosova (bári de - 20 shaqyrymǵa sporttyq júris), Elena Nanazıashvılı (marafon), Olga Safronova, ıÝlııa Rahmanova, Rıma Kashafýtdınova, Svetlana Golendova, Anastasııa Týlapına (bári de - 4h100 estafetalyq júgirý).

Jarys barysynda álem rekordyn ornatqan sportshy 100 000 dollardan alady. Sondaı-aq, álem rekordshysy arnaıy Word Record Award júldesimen marapattalady. Jekeleı jáne estafetalyq saıysta úzdik segizdikten kóringen atletterge de qomaqty qarjylaı syıaqy qarastyrylǵan.

Jekeleı syndaǵy júlde kólemi:

1-oryn - 60 myń dollar

2-oryn - 30 myń dollar

3-oryn - 20 myń dollar

4-oryn - 15 myń dollar

5-oryn - 10 myń dollar

6-oryn - 6 myń dollar

7-oryn - 5 myń dollar

8-oryn - 4 myń dollar

Estafetalyq saıystaǵy júlde qory:

1-oryn - 80 myń dollar

2-oryn - 40 myń dollar

3-oryn - 20 myń dollar

4-oryn - 16 myń dollar

5-oryn - 12 myń dollar

6-oryn - 8 myń dollar

7-oryn - 6 myń dollar

8-oryn - 4 myń dollar.

Londondaǵy álem chempıonatyndaǵy Qazaqstan sportshylary qatysatyn saıys túrleriniń kúntizbesi:

5 tamyz: 11:00 - úsh qarǵyp sekirý, áıelder (irikteý)

                                Olga Rypakova men Marııa Ovchınnıkova

6 tamyz: 14:00 - marafon, áıelder (fınal)

                                 Elena Nanazıashvılı

7 tamyz: 20:25 - úsh qarǵyp sekirý, áıelder (fınal)

8 tamyz: 19:30 - 200 metrge júgirý, áıelder (irikteý)

                                Vıktorııa Zıabkına

10 tamyz: 21:05 - 200 metrge júgirý, áıelder (1/2 fınal)

11 tamyz: 21:50 - 200 metrge júgirý, áıelder (fınal)

12 tamyz: 10:35 - 4h100 metrge estafetalyq júgirý, áıelder (irikteý)

                                  Rıma Kashafýtdınova, Vıktorııa Zıabkına, Svetlana

                                  Golendova, Olga Safronova, Anastasııa Týlapına,

                                  ıÝlııa Rahmanova

12 tamyz: 21:30 - 4h100 metrge estafetalyq júgirý, áıelder (fınal)

13 tamyz: 12:20 - 20 shaqyrymǵa sporttyq júris áıelder (fınal)

                                  Polına Repına, Regına Rykova, Dıana Aıdosova

13 tamyz: 14:20 - 20 shaqyrymǵa sporttyq júris, erler (fınal)

                                  Georgıı Sheıko.