Búgin Londonda tennısten Ýımbldon týrnıri bastalady
NUR-SULTAN. QazAqparat – Búgin Londonda tennısten Ýımbldon týrnıri bastalady. Bul – jylda ótetin tórt «Úlken dýlyǵa» jarysynyń biri, dep habarlaıdy QazAqparat tilshisi.
Ótken jyly pandemııaǵa baılanysty ótpeı qalǵan Ýımbldon dodasynda bıyl Qazaqstannan jekeleı synda Elena Rybakına, ıÝlııa Pýtıntseva, Zarına Dııas, Aleksandr Býblık jáne Mıhaıl Kýkýshkın óner kórsetedi.
Álemniń 20-synshy, osy jarystyń 18-raketkasy E.Rybakına alǵashqy kezdesýin búgin dúnıejúzilik reıtıngte 59-orynda turǵan frantsııalyq Krıstına Mladenovıchpen ótkizedi.
29 maýsym kúni álemniń 43-raketkasy ıÝ.Pýtıntseva reıtıngte 168-satydaǵy ýkraınalyq Lesıa Tsýrenkomen sheberlik baıqasady. Birinshi aınalymda Zarına Dııasqa qıyndaý qarsylas tap boldy. Ol erteń álemniń 56-raketkasy, latvııalyq Anastasııa Sevastovamen oınaıdy.
Erler arasynda Aleksandr Býblık pen Mıhaıl Kýkýshkın ózara kezdesedi.
Sondaı-aq juptyq synda atalǵan tennısshilerge qosa Aleksandr Nedovesov, Andreı Golýbev, Galına Voskoboeva kortqa shyǵady.
Qazaqstandyqtardyń osyǵan deıingi úzdik kórsetkishi ıAroslava Shvedovanyń enshisinde. Ol 2016 jyly shırek fınalǵa deıin jetken bolatyn. Sondaı-aq Zarına Dııas 2014 jáne 2015 jyldary tórtinshi aınalymda álemniń myqtylary, rýmynııalyq Sımona Halep pen reseılik Marııa Sharapovaǵa ese jiberdi.
Erler arasynda Mıhaıl Kýkýshkın 2019 jyly tórtinshi aınalymǵa deıin jetti.
Eske sala keteıik, budan buryn Elena Rybakınanyń álemdegi úzdik jıyrma tennısshiniń qataryna qaıta engenin jazǵan bolatynbyz.