Búgin - Lańkestik qurbandaryn eske alýdyń jalpyeýropalyq kúni
BRıÝSSELЬ. 11 naýryz. QazAqparat /Dımash Syzdyqov/ - Búgin Eýropada Lańkestik qurbandaryn eske alý kúni atap ótiledi.
Bul kúni Eýroodaq aýmaǵynda ár jyldary jasalynǵan lańkestik áreketterden qurban bolǵan 5 myńnan astam adamdy eske alý rásimderi ótedi.
Eýroparlament tóraǵasy Ejı Býjek depýtattar aldynda sóılegen sózinde atap kórsetkendeı, «lańkester beıbit halyqqa qarsy soǵys jarııalap otyr. Olar óz aktsııalaryn, qarapaıym adamdar ózderin qaýipsizdiktemiz dep sanaıtyn jerlerde jasaıtyn boldy. Bul aram, qorqaq jáne qarabet adamdardyń isi. Mine, sondyqtan da, lańkestikti eshteńemen aqtaýǵa bolmaıdy».
11 naýryzdy ataýly kún retinde Eýroparlament 2004 jyldyń 11 naýryzynda Madrıdte bolǵan lańkestiktiń saldarynan qaza bolǵan 200 adamdy jáne 2005 jyly Londondaǵy jarylystar saldarynan qaza bolǵan 50-den astam adamdy eske alý kúni retinde tańdaǵan bolatyn.
