Búgin Qyzylordadaǵy balabaqshalardyń birinde órt boldy - TJM
ASTANA. Aqpannyń 11-i. QazAqparat - Búgin, aqpannyń 11-i kúni túste Qyzylorda qalasyndaǵy balabaqshalardyń birinde órt boldy, 48 bala men 9 qyzmetker qaýipsiz jerge kóshirildi,
dep habarlady QR Tótenshe jaǵdaılar mınıstrliginen.
Vedomstvo baspasóz qyzmetiniń málimetine sáıkes, 13 saǵat 3 mınýtta Araı shaǵyn aýdanyndaǵy «Jeti qazyna» balabaqshasynda órt shyqty. Ǵımarattyń janý aýmaǵy 128 sharshy metrdi qurady.
«Qurban bolǵandar men zardap shekkender joq. 48 bala men 9 qyzmetker qaýipsiz jerge kóshirildi», - dep anyqtady baspasóz qyzmeti.
Tilsiz jaý TJM Qyzylorda oblysy boıynsha TJD órtke qarsy qyzmetiniń jeke quramdaǵy 35 adamy men 3 tehnıkasynyń kúshimen 1 saǵat 22 mınýtta aýyzdyqtaldy.
