Búgin Qyzylordada kúzgi sanıtarlyq tazalyqtyń 2 aılyǵy bastaldy

QYZYLORDA. QazAqparat- Búgin Qyzylorda oblysyndaǵy barlyq mekeme senbilikke shyqty. Aıta keteıik, oblys ákiminiń ókimimen sanıtarlyq tazartý, kórkeıtý jáne kógaldandyrý eki aılyǵy jarııalandy. Merzimi 10 qyrkúıek pen 10 qarashasy aralyǵy dep bekitildi,-dep habarlady oblystyq ákimdiktiń baspasóz qyzmetinen.

Aımaq basshysynyń tapsyrmasyna sáıkes, máslıhat depýtattary, oblystaǵy barlyq mekeme basshylary, memlekettik qyzmetkerler, muǵalimder jáne iri kásipkerlik nysandarynyń basshylary óz kósheleriniń sanıtarlyq tazalyǵyna jaýapty retinde bekitildi. Olar óz aýmaqtarynda mekemelerdiń senbilikke ýaqytyly shyǵýyn qadaǵalap, tazalyqqa jaýapty bolady.

Kúzdiń alǵashqy senbiligine oblystaǵy barlyq mekemeler men oqý oryndary belsendi qatysty. Ózderine bekitilgen aýlalardy qoqystan tazartty. Joǵaryda aıtqanymyzdaı senbilik jumystary eki aıǵa jalǵasady.