Búgin Qyzylordada aýa temperatýrasy 47 gradýsqa kóterildi
Bul jóninde oblystyq tótenshe jaǵdaılar departamenti turǵyndarǵa habarlaǵan bolatyn. Mamandar kópshilikti aptap ystyqtan qorǵanýǵa shaqyrdy.
Qyzylorda oblystyq jedel járdem stantsııasy bas dárigeriniń orynbasary Ǵalııa Nurseıitova aptap ystyqta óńirde shaqyrtý deńgeıi burynǵysynsha qalypty bolǵanyn aıtady.
«Oblysta aptap aýa raıy tirkelgen 31 mamyr-2 maýsym aralyǵynda 3 myńnan astam shaqyrtý túsken. Bul - jaı kúnderdegi shaqyrtýmen qatarlas. Onyń arasynda qan qysymy aýrýymen 544 adam dárigerler kómegine júgingen. Bul da alańdatarlyq deńgeıde emes. Dese de biz turǵyndardan barlyq qaýipsizdik sharalaryn saqtaýdy suraımyz», - dedi ol.
Kúnniń aptap ystyq bolýyna qaramastan sońǵy kúnderde sýǵa ketý oqıǵasy tirkelmedi. Sondaı-aq, órt oqıǵasy da kezdesken joq. Bul jóninde Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmeti habarlady.