Búgin Qyzdar ýnıversıtetine talapkerlerdi qabyldaý bastaldy
ASTANA. QazAqparat - Búgin elimizdiń bilim berý júıesinde 70 jylǵa jýyq tarıhy men tájirıbesi bar joǵary oqý oryndarynyń biri - Qazaq memlekettik qyzdar pedagogıkalyq ýnıversıteti óz talapkerlerine esigin aıqara ashty.
ıAǵnı ol 20 maýsymnan bastap bakalavr boıynsha - 41, magıstratýra boıynsha - 23, al PhD doktorantýra boıynsha - 4 mamandyqqa talapkerlerdi qabyldaı bastady.
Árbir talapker dál osy kúnnen bastap ýnıversıtettiń qabyldaý komıssııasynan jáne oqý ornynyń saıtynan ózine qajetti barlyq málimetterdi ala alady, dep habarlaıdy JOO-nyń baspasóz qyzmetinen.
Qyzdar ýnıversıteti úshin aıtýly kún - 70-shi mereıtoılyq qabyldaý bolǵandyqtan, bıylǵy shara erekshe saltanatpen ashyldy. Ony Qyzdar ýnıversıtetiniń áleýmettik jáne tárbıe isi jónindegi prorektory Záýresh Sabyrova ashty. Ol quttyqtaý sózinde jas talapkerler men sharaǵa qatysýshy ata-analarǵa oqý orny týraly qysqasha aqparat berip, barsha qaýymdy «Talapker-2014» naýqanynyń bastalýymen quttyqtady.
Shara sońynda kelýshiler mereıtoılyq qabyldaýǵa arnalǵan shaǵyn kontserti tamashalap, qyzdar qalashyǵymen tanysty.
Aıta keteıik, Qyzdar ýnıversıteti respýblıkamyzda ǵana emes, qazirgi TMD elderi arasynda tek arýlarǵa arnalǵan birden-bir jalǵyz joǵary bilim ordasy. Elimizdiń túkpir-túkpirine pedagog mamandardy daıarlaıtyn oqý orny LAMS (Ulybrıtanııa), Mıssısıpı jáne Chester atty álemdik ýnıversıtettermen qosdıplomdyq baǵdarlamany júzege asyryp otyr. Máskeý qalasynda ótken «Ulttyq ekonomıka kóshbasshysy» Qurmet belgisi Halyqaralyq syılyǵynyń laýreaty, Amsterdam qalasyndaǵy Bıznes jáne menedjment joǵary ınstıtýtynyń «Tıimdi damýshy kásiporyn» nomınatsııasy boıynsha «Altyn quıma» halyqaralyq syılyǵynyń ıegeri. Bilim ordasyna 2013 jyly «Sala kóshbasshysy» ulttyq sertıfıkaty men «Eńbek jolyndaǵy tıimdiligi úshin» medali, «Jyl mamany» ataǵy berildi.
Memlekettik grantta oqıtyn stýdentter úsh mezgil tegin tamaqpen jáne jataqhanamen qamtamasyz etiledi.
