Búgin - Qyrǵyzstanda Ulttyq aza tutý kúni
BІShKEK. QazAqparat – Búgin - Qyrǵyzstanda koronavırýstan qaıtys bolǵandardy Ulttyq aza tutý kúni, dep habarlaıdy QazAqparat Kabarǵa silteme jasap.
«Búgin – elimizde koronavırýstan qaıtys bolǵandardy Ulttyq aza tutý kúni.
Bul kúni barlyq qyrǵyzstandyqtar koronavırýs ınfektsııasynan kóz jumǵan adamdardyń barlyǵyn eske túsirip, olardyń otbasylary men jaqyndaryna kóńil aıtady.
Álemniń barlyq elderin jaýlap alǵan dert Qyrǵyzstan eline de kóp qaıǵy ákeldi, biz azamattarymyzdan aıyryldyq. Aýrý saldarynan kóptegen qyrǵyzstandyqtardyń ata-anasy, balalary, týystary men jaqyndary dúnıeden ótti. Іndet elge orny tolmas qaza ákeldi», - dedi Qyrǵyz prezıdenti Sooronbaı Jeenbekov.
Eske salsaq, Qyrǵyzstanda 30 shilde koronavırýs ınfektsııasynan qaıtys bolǵandardy Ulttyq aza tutý kúni bolyp jarııalanǵany týraly buǵan deıin habarlaǵan bolatynbyz. Qyrǵyzstanda myńnan asa adam koronavırýstan kóz jumdy.
