Búgin Qyrǵyzstanda prezıdenttik saılaý aldynda «únsizdik kúni» jarııalandy

BІShKEK. 29 qazan. QazAqparat /Arnur Rahymbekov/ - Búgin, 30 qazan, jeksenbi kúni ótetin Qyrǵyzstan prezıdentiniń saılaýy qarsańynda «únsizdik kúni» jarııalandy.

Osy kúni kez-kelgen úgit-nasıhat, jarııalanym men saılaýǵa qatysty túrli áleýmettik saýalnamalardyń nátıjelerin jarııalaý, BAQ betterinde baıandama jasaýǵa tyıym salynady.

Eske sala keteıik, Qyrǵyzstan prezıdentiniń laýazymyna 16 kandıdat úmitker bolyp otyr. Saılaýshylar turǵylyqty jeri nemese aldyn ala jarııalanǵan mekenjaılar boıynsha daýys bere alady. Saılaý ýchaskeleri eldiń barlyq aýmaǵynda tańǵy 8.00-de bastalyp, 19.00-de jabylady. Osydan keıin daýystardy sanaý bastalady.

Áleýmettik zertteýler boıynsha, úsh kandıdat jeńiske jetýge úmitkerler qatarynda. Olar: premer-mınıstr Almazbek Atambaev, «Býtýn Qyrǵyzstan» partııasynyń kóshbasshysy Adahan Madýmarov pen «Ata-jurt» partııasynyń múshesi Qamshybek Tashıev.