Búgin - Qylmys qurbandaryna qoldaý kórsetýdiń halyqaralyq kúni
ASTANA. 22 aqpan. QazAqparat - 1990 jyldyń 22 aqpanynda Anglııa úkimeti «Qylmystar qurbandarynyń hartııasyn» jarııalady.
Sol ýaqyttan beri órkenıetti jáne demokratııaly bútin álemde resmı emes túrde Qylmys qurbandaryna qoldaý kórsetýdiń halyqaralyq kúni atap ótiledi.
Qylmystar qurbandaryn áleýmettik ońaltý problemasy qaýymdastyqty ótken ǵasyrdyń sońynda mazalaı bastady. 1985 jyldyń qyrkúıeginde BUU-nyń qylmystyń aldyn alý jáne quqyq buzýshylarǵa qaraý jónindegi jetinshi kongresi Qylmystar men bılikti teris paıdalanǵandardyń qubandary úshin ádilettiliktiń negizgi prıntsıpteri deklaratsııasyn bekitti. 1985 jyldyń 29 qarashasynda BUU Bas Assambleıasy bul deklaratsııany qabyldap, tuńǵysh ret qylmystar men bılikti teris paıdalanǵandardyń qurbandaryn qoldaýdyń jáne qorǵaýdyń ámbebap prıntsıpterin ázirledi.
Qazir kóptegen elderde krımınaldyq áreketterden zardap shekkenderdi qorǵaýǵa, olardy áleýmettik saýyqtyrýǵa, materıaldyq jáne moraldyq shyǵyndy óteýge baǵyttalǵan zańdar qabyldanyp, qoldanylýda. Álemde qylmystardan zardap shekkenderge kómek kórsetýge arnalǵan 200-ge jýyq baǵdarlama bar.
