Búgin Qurlyqtyq hokkeı lıgasy bastalady
NUR-SULTAN. QazAqparat - Búgin Qurlyqtyq hokkeı lıgasy turaqty kezeńiniń 2020/2021 jylǵy maýsymyndaǵy alǵashqy oıyn ótkiziledi, dep habarlaıdy QazAqparat tilshisi.
Jańa maýsym Reseıdiń TsSKA (Máskeý) jáne «Ak Bars» (Qazan) komandalary arasyndaǵy kezdesýmen túriledi. Bul oıyn elorda ýaqytymen 22.30-ǵa belgilengen.
Málim bolǵanyndaı, turaqty kezeń 27 aqpanǵa deıin sozylady. Oǵan deıin barlyǵy 142 oıyn kúni eseptelgen. Týrnırge qatysatyn 23 komandanyń árbiri 60 oıynnan ótkizedi. Nátıjesinde turaqty kezeńde barlyǵy 690 oıyn bolady.
Halyqaralyq hokkeı federatsııasy jylma-jyl ótkizetin Eýrotýr oıyndaryna baılanysty QHL kúntizbesinde birneshe úzilis jarııalanady. Eýrotýr oıyndary 2-9 qarashada Fınlıandııada, 14-20 jeltoqsanda Reseıde, 8-15 aqpanda Shvetsııada ótkiziledi dep josparlanyp otyr.
Sondaı-aq, 22-24 qańtarda QHL juldyzdarynyń kezdesýin uıymdastyrý oılastyrylýda. Komandalar Jańa jyl meıramy qarsańyndaǵy 31 jeltoqsan men 2 qańtar aralyǵynda da eshqandaı oıyn ótkizbeıdi.
Elordalyq «Barys» alǵashqy oıynynda erteń, 3 qyrkúıekte Latvııanyń «Dınamo» (Rıga) komandasyna qarsy oınaıdy.
