Búgin kúres túrlerinen álem chempıonaty jalaýyn kóteredi
Serbııa astanasy Belgrad qalasynda búgin kúres túrlerinen álem chempıonaty jalaýyn kóteredi, dep habarlaıdy QazAqparat tilshisi.
Dúbirli doda Belgrad qalasyndaǵy «Shtark Arena» sport kesheninde bolady.
Jahandyq dodany alǵashqy bolyp erkin kúres sheberleri bastaıdy. Kúrestiń atalǵan túrinen 61, 70, 86, 125 kelidegi palýandar kúsh synasady.
Alǵashqy jarys kúninde el quramasynan Ósimjan Dastanbek (61 keli), Sanjar Dosjanov (70 keli), Azamat Dáýletbekov (86 keli), ıÝsýp Batyrmýrzaev (125 keli) boz kilemge shyǵady.
Beldesýlerdi jankúıerler «Qazaqstan» ulttyq arnasy jáne qazsporttv.kz saıty arqyly tamashalaı alady.
Alǵashqy beldesýler elorda ýaqytymen 15:30-da bastalady. Jartylaı fınal men aqtyq syndar 22:00-23:15 arasynda bolady.
Eske salsaq, budan buryn kúres túrlerinen álem chempıonatyna qatysatyn qazaqstandyq balýandar jaıynda habarlaǵan edik.
