Búgin kún men tún teńesedi
ASTANA. QazAqparat – Búgin 2022 jyldyń 23 qyrkúıegi - Jer betinde kúzgi kún men túnniń teńesetin kúni, dep habarlaıdy QazAqparat tilshisi.
Búgin tańerteń Kún eklıptıka boıymen qozǵalyp, aspan ekvatoryn kesip ótip, Soltústik jarty shardan ońtústikke qaraı jyljydy. Jerdiń soltústik jarty sharynda astronomııalyq kúz, al ońtústik jartysynda kóktem bastalady.
Astronomdar bul kúndi kúzgi kún men túnniń teńesýi dep ataıdy.
Erteńnen bastap kún qysqaryp, tún uzarady. Mysaly, búgin, 2022 jyldyń 23 qyrkúıeginde Astanada Kún 07:01-de shyǵyp, 19:11-de batady, kúnniń uzaqtyǵy 12:10. Al erteń, senbi, 24 qyrkúıekte kún eki mınýttan keıin shyǵyp, kókjıekten eki mınýt buryn tómen túsedi, nátıjesinde kúndizgi jaryq ýaqyty 4 mınýtqa azaıady. Túnniń uzaqtyǵy da sonsha uzarady.
Sara Qabıqyzy
