Búgin kún men tún teńesedi
ASTANA. Naýryzdyń 20-sy. QazAqparat - Búgin, senbi kúni Jer betinde kún men tún teńesedi, Kún dál shyǵystan kóterilip, dál batystan batady,
dep habarlaıdy «RIA «Novostı» agenttigi.
Astronomdar kún men túnniń teńesý sáti dep, Kún jyl boıyna aspan sferasymen qozǵala kelip, ózi qozǵalatyn jazyqtyqtaǵy astronomıkalyq ekvatordyń jáne eklıptıkanyń túıisken núktesine dál keletin sátti ataıdy. Bul sát senbi kúni máskeý ýaqyty boıynsha saǵat 20.31-de bolady.
Polıýstarda bul kúni Kún táýlik boıy tek gorızontpen qozǵalady, biraq refraktsııanyń arqasynda, ıaǵnı jaryq sáýleleriniń atmosferada maıysýynyń arqasynda, Kún gorızonttan sál joǵaryraq kórinetin bolady, delingen «Astronet» saıtynda berilgen aqparatta.
Kóktemgi kún men túnniń teńesken kúni soltústik jartysharda astronomııalyq kóktem kelse, ońtústik jartysharda kúz bastalady.
Kún men tún teńeskennen keıin taltúste Kún gorızonttan joǵary kóterile bastaıdy da, jazǵy kúnniń toqyraýyna jetkennen keıin (maýsymnyń 21-22-si) keri qozǵalysyn bastaıdy.
