Búgin - Kúlki kúni
ASTANA. 1 sáýir. QazAqparat - Bul mereke naqty qaıdan bastaý alatyndyǵy týraly málimetter joq.
Kúlki kúniniń paıda bolýy týraly kóp taraǵan nusqalardyń biri - bastapqyda 1 sáýir kóptegen elderde kóktemgi kún men túnniń teńelý kúni jáne Pasha ýaqyty retinde atap ótildi. Kóktemgi jańa jyl merekesi árdaıym kóterińki kóńil-kúımen, ádemi ázildermen ótti.
Osyndaı keń taraǵan nusqalardyń taǵy biri 1582 jyly Rım Papasy Grıgorıımen engizilgen Grıgorıan kúntizbesine kóshýmen baılanysty. Másele, orta ǵasyrlarda Jańa jyl 1 qańtarda emes, naýryz aıynyń sońynda atap ótildi. Jańajyldyq apta 25 naýryzda bastalyp, 1 sáýirde aıaqtaldy.
Sonaý jyldary jańajyldyq mereke kúnderi kóterińki-kóńil kúımen júrý dástúrge aınaldy. Biraq kúntizbeniń ózgerýine qaramastan, keıbir adamdar jyl bastaýyn eski nusqa boıynsha atap ótýdi jón kóredi. Adamdar bir-birimen ázildesip, «qaljyńdy» syılyqtar syılady. Osylaısha, «Kúlki kúni» paıda boldy.
