Búgin - Qulaq jáne estý qabiletin qorǵaýdyń halyqaralyq kúni
ASTANA. 3 naýryz. QazAqparat - Dúnıejúzilik densaýlyq saqtaý uıymy (DDSU) qulaq jáne estý qabiletin qorǵaýǵa arnalǵan arnaıy kúndi bekitti.
Jyl saıyn 3 naýryz kúni Qulaq jáne estý qabiletin qorǵaýdyń halyqaralyq kúni atap ótiledi.
Búgingi kúni estý qabiletin joǵaltý álemde múgedektiktiń eń keń taralǵan sensorlyq túri bolyp tabylady. DDSU-nyń málimetine sáıkes, álemde 275 mln. adam estý qabiletinen aıyrylǵan nemese ony nasharlatyp alǵan. Kereńdik pen qulaq múkistiginiń negizgi sebepteri retinde qulaqtyń sozylmaly juqpalaryna alyp keletin birqatar aýrýlar: qyzamyq, qyzylsha, mysqyl, menıngıt, sondaı-aq keıbir dárilik preparattardyń jáne qorshaǵan ortanyń zııandy faktorlary, birinshi kezekte, qatty shýdyń áseri atalady.
Medıtsına qyzmetkerleriniń pikirinshe, kereńdik pen estý qabiletiniń ózge de aqaýlary oqıǵalarynyń teń jartysyna jýyǵyn olardyń damýyn der ýaqytynda joıý arqyly toqtatýǵa bolady.
