Búgin Kýbada parlament saılaýy ótedi
ASTANA. QazAqparat - Búgin, jeksenbide Kýbada Halyqtyq úkimettiń Ulttyq assambeıasyna (bir palataly) saılaý ótedi. Al sáýirde parlament depýtattary jańa shaqyrylymǵa jınalyp, óz qatarynan 86 jastaǵy memleket basshysy Raýl Kastronyń muragerin saılaıdy, dep habarlaıdy TASS.
Raýl Kastro 2008 jyldan beri Memkeńestiń jáne Kýba mınıstrler Keńesiniń tóraǵasy lýazymyn atqaryp keledi. Ol bul qyzmette óziniń aǵasy Kýba revolıýtsııasynyń kóshbasshysy Fıdel Kastronyń (1926-2016) ornyn almastyrdy.
Raýl Kastronyń ornyna Memkeńestiń jáne Mınıstrler keńesi tóraǵasynyń birinshi orynbasary Mıgel Dıas-Kanel birden bir murager sanalyp otyr.
Kýba halqy jeksenbide Ulttyq assambleıanyń 605 depýtatyn, sondaı-aq halyqtyq úkimettiń 1,2 myń provıntsıaldyq assambleıa delegattaryn saılaıdy. Konstıtýtsııaǵa sáıkes, parlament jáne 15 provıntsııanyń ózin-ózi basqarý organdary bes jylda bir ret jańartylyp otyrady.
Saılaý ýchaskeleri jergilikti ýaqytpen 07:00-de ashylady. Daýys berý dúısenbide18:00-de aıaqtalady
Foto: Andreı Bekrenev/TASS
