Búgin QR Úkimetinde eńbek resýrstaryn jumyldyrýdy arttyrý máseleleri talqylandy

ASTANA. QazAqparat - Búgin Úkimet Úıinde QR Premer-Mınıstriniń ornybasary Berdibek Saparbaevtyń tóraǵalyq etýimen eńbek resýrstaryn jumyldyrýdy arttyrý máseleleri boıynsha keńes ótti, oǵan ortalyq jáne jergilikti atqarýshy organdardyń basshylary qatysty.

Bul týraly primeminister.kz. saıtynda habarlandy.

Májilis barysynda kóshi-qon úrdisteriniń ózekti máseleleri, ishki kóshi-qon aǵyndaryn bólý, suranystyń teńgerimdiligi men eńbek resýrstarynyń usynystary talqylandy.

Óńirlik ekonomıkalyq jáne demografııalyq teńgerimsizdikti teńestirý maqsatynda «Jumyspen qamtý jol kartasy-2020» baǵdarlamasynyń aıasynda azamattardy jumyldyrýdy arttyrý, eldiń soltústik, shyǵys óńirlerinde bilim berý ınfraqurylymdaryn damytý boıynsha sharalar sóz boldy.

Jıyn sońynda B. Saparbaev eńbek resýrstaryn ishki jumyldyrý deńgeıin arttyrýǵa, eńbek naryǵynyń teńgerimsizdigin tómendetýge qatysty birqatar tapsyrmalar berdi.