Búgin QR Prezıdenti janyndaǵy OKQ dırektory E.Babaqumarovtyń týǵan kúni

Erjan Babaqumarov joǵary bilikti maman retinde Qazaqstannyń medıa salasynyń damýyna qomaqty úles qosty. Babaqumarov Erjan Jalbaquly 1969 jyly Taldyqorǵan oblysynda, Qarabulaq kentinde týǵan. Ál-Farabı atyndaǵy Qazaq memlekettik ýnıversıtetin bitirgen. Qazaqstan damý ınstıtýtynyń bólim meńgerýshisi, Saıası zertteýler ortalyǵynyń dırektory, Almaty qalasy ákimdigi apparatynyń bas mamany qyzmetterin atqarǵan. 1996-2006 jyldary - Qazaqstan Respýblıkasy Prezıdenti Ákimshiliginiń aǵa referenti, konsýltanty, sektor meńgerýshisi, bólim meńgerýshisiniń orynbasary, Áleýmettik saıası bóliminiń bas ınspektory, Aqparattyq-taldama ortalyǵynyń meńgerýshisi, QR Prezıdenti Ákimshiligi Aqparattyq taldaý bóliminiń meńgerýshisi. 2006-2008 jyldary Qazaqstan Respýblıkasy Mádenıet, aqparat jáne sport vıtse-mınıstri, Qazaqstan Respýblıkasy Mádenıet jáne aqparat mınıstrliginiń jaýapty hatshysy bolǵan. 2008-2012 jyldary - QR Premer-Mınıstriniń Keńsesi basshysynyń orynbasary qyzmetterinde eńbek etken. 2012 jylǵy qazannan beri QR Prezıdenti janyndaǵy Ortalyq kommýnıkatsııalar qyzmetiniń dırektory. «QazAqparat» HAA Erjan Jalbaqulyn týǵan kúnimen quttyqtaı otyryp, oǵan myqty densaýlyq, otbasylyq bereke jáne tabystar tileıdi.