Búgin - QR Dıplomatııalyq qyzmeti kúni
ASTANA. 2 shilde. QazAqparat - Búgin - Qazaqstan Respýblıkasynyń Dıplomatııalyq qyzmeti kúni. Data Elbasynyń Jarlyǵyna sáıkes bekitildi.
Otandyq dıplomatııa tamyrynyń tarıhy tereńde jatyr. Onyń negizi Batys pen Shyǵys memleketterin alǵash ret baılanystyrǵan Uly Jibek jolynyń qalyptasýy men qyzmeti kezinde qalanǵan bolatyn. XIX ǵasyrdyń orta tusynda Reseı ımperııasyna qosylýǵa baılanysty qazaq dıplomatııasynyń mártebesi báseńdeı tústi. Onyń jandanýynyń jańa dáýiri keńestik kezeńde boldy, biraq birden emes. Uzaq jyldar boıy KSRO-nyń syrtqy saıasatyn tek Máskeý qalyptastyryp keldi. Tek 1944 jyly odaqtas respýblıkalarǵa syrtqy qarym-qatynas salasynda ókilettikter berý týraly zań qabyldanyp, Qazaqstanda sol jyldyń 13 sáýiri kúni Syrtqy ister halyqtyq komıssarıaty quryldy, eki jyldan keıin ol QazSRO SІM bolyp aýystyryldy.
Táýelsizdik jyldary ishinde (1991 jyl 16 jeltoqsan) Qazaqstan álemdegi 120 elmen dıplomatııalyq qarym-qatynas ornatty.
