Búgin QR-da 4 myń sottalýshy partaǵa otyrady
ASTANA. 1 qyrkúıek. QazAqparat - Búgin QR ІІM qylmystyq-atqarý júıesiniń 55 oqý mekemelerinde 4 myń sottalýshy partaǵa otyrady, dep habarlady ІІM QAJK-niń baspasóz qyzmeti.
1 qyrkúıekte dástúr boıynsha respýblıkanyń barlyq túzeý mekemelerinde Bilim kúnine arnalǵan merekelik sharalar atalyp ótedi.
Aıta ketken jón, qylmystyq-atqarý zańnamasyna sáıkes oqý úrdisi sottalýshylardy túzeýge baǵyttalǵan qadamdardyń biri bolyp tabylady.
QR Qylmystyq-atqarý kodeksiniń 108 babyn iske asyrý aıasynda 30 jasqa tolmaǵan azamattar oqýdyń barlyq úrdisterinen ótip, bilim attestatyna ıe bolady. Sondaı-aq 30 jastan asqan azamattar men 1-shi jáne 2-shi toptaǵy múgedekter óz erikteri boıynsha orta bilimge qol jetkize alady, dep habarlady ІІM QAJK-niń baspasóz qyzmeti.
