Búgin Qostanaı oblysynan shyǵyp qalǵan QR Parlamenti Senaty depýtatynyń ornyna jańa saılaý ótti

QR OSK-dan málim etkendeı, Parlament Senaty depýtattyǵyna usynylǵan eki kandıdat - Jeńis Mırasuly Nurǵalıev pen Asqar Aronuly Muratov, sáýirdiń 1-i kúni Qostanaı oblystyq saılaý komıssııasyna tirkeýge alyndy.

Qostanaı oblystyq saılaý komıssııasy daýys berýdi, daýystardy sanaý men nátıjelerdi jarııalaýdy sáýirdiń 23-i kúni uıymdastyryp, ótkizdi. Oblystyq saılaý komıssııasynyń aldyn-ala málimetterine sáıkes, saılaý ótkizilgen dep tanyldy.

Tizimge engizilgen 300 tańdaýshynyń daýys berýge 287-i nemese jalpy sanynyń 95,7 paıyzy qatysty. Daýys berý barysy men daýystardy sanaý rásimin baıqaýdy 23 adam - kandıdattardyń senimdi ókilderi, saıası partııalardyń, qoǵamdyq birlestikter men BAQ ókilderi iske asyrdy.

Aldyn-ala málimetter boıynsha, J.Nurǵalıevke 265 tańdaýshy nemese tańdaýshylardyń 92,7 paıyzy, al A.Muratovqa 21 tańdaýshy nemese olardyń 7,3 paıyzy daýys berdi. Bir saılaý bıýlleteni jaramsyz dep tanyldy.

Saılaý zańnamasyna sáıkes, saılaýdyń túpkilikti qorytyndysyn Ortalyq saılaý komıssııasy 2010 jylǵy sáýirdiń 29-ynan keshiktirmeı shyǵarady jáne mamyrdyń 2-sinen keshiktirmeı buqaralyq aqparat quraldarynda jarııalaıdy.

Jalpy alǵanda saılaý naýqany saılaý zańnamasy normalaryna sáıkes ótti. Ortalyq saılaý komıssııasyna kelip túsken shaǵymdar men ótinishter joq.