Búgin - Kóship-qonýshylardyń halyqaralyq kúni
ASTANA. 18 jeltoqsan. QazAqparat - 1990 jyldyń 18 jeltoqsanynda BUU Bas Assambleıasy eńbek etýshi barlyq mıgranttar men olardyń otbasylarynyń múshelerin qorǵaý týraly halyqaralyq konventsııany qabyldady.
Al 2000 jyldyń 4 jeltoqsanynda BUU Bas Assambleıasy Kóship-qonýshylardyń halyqaralyq kúnin bekitti. Ol jyl saıyn 18 jeltoqsan kúni atap ótiledi.
Mıgranttardyń halyqaralyq kúni kóptegen elderde, úkimetaralyq jáne úkimettik emes uıymdarda adamnyń quqyqtary jáne mıgranttardyń negizgi bostandyqtary týraly aqparattardy taratý arqyly, sondaı-aq túrli aktsııalar men kóship-qonýshylardyń quqyqtary týraly zańdardy túsindirýge baǵyttalǵan semınarlardy ótkizý arqyly atap ótiledi.
Sarapshylardyń baǵalaýyna sáıkes, Ǵalamshardyń árbir otyz besinshi turǵyny óz elinen tys turatyn jáne eńbek etetin mıgrant bolyp tabylady.
