Búgin - Kóshi-qon polıtsııasy kúni
ASTANA. 5 sáýir. QazAqparat - Búgin - Kóshi-qon polıtsııasy kúni. 1993 jyldyń sáýir aıynda Qazaqstan Respýblıkasynda bolǵan ózgeristerge baılanysty ýaqyt talabyna sáıkes tólqujattyq-vızalyq qyzmet qaıta quryldy.
Sonyń negizinde kóshi-qon polıtsııasy quryldy. Organnyń qyzmet qurylymy, mindetteri ózgerdi. Qazaqstanǵa keletin shetel azamattary sanynyń ósýine baılanysty olardyń elde júrip-turý tártibin retteý qajettiligi týyndady. Prezıdent Jarlyǵy boıynsha tarıhı otany Qazaqstanǵa qonys aýdarýshylarǵa aıryqsha kóńil bólindi. Zańsyz kóshi-qonmen, Qazaqstanǵa shetel azamattarynyń kelý faktileriniń buzylýymen kúresý úshin 2002 jyldyń sáýir aıynda «Rýbej» biryńǵaı bógeý júıesi vzvody quryldy.
