Búgin koronavırýs juqtyrǵan 4 adam - Qordaı aýdanynyń turǵyndary

TARAZ. QazAqparat - Memlekettik komıssııanyń shuǵyl shtaby taratqan málimetke sensek, 7 sáýirde Jambyl oblysynda 5 adam koronavırýs juqtyrǵan, dep habarlaıdy QazAqparat.

7 sáýir saǵat 14:20-daǵy jaǵdaı boıynsha, Jambyl oblysyndaǵy 5 jaǵdaıdyń tórteýi - Qordaı aýdanynda, 1 - Moıynqum aýdanynda tirkeldi.

Olar buǵan deıin vırýs juqtyrǵan adammen tyǵyz qarym-qatynasta bolýyna baılanysty karantındik statsıonarǵa jatqyzylǵan.

Zerthanalyq synama alynyp, dıagnoz naqtylandy. Qazirgi tańda naýqastardyń jaǵdaıy birqalypty. Bekitilgen hattamaǵa sáıkes tıisti em júrgizilýde.

Qazirgi tańda naýqastarmen qarym-qatynasta bolǵan adamdar anyqtalýda.

Aýrý oshaqtarynda epıdzertteý jumystary, dezınfektsııalyq jumystar júrgizilýde.

7 sáýirdegi jaǵdaı boıynsha Jambyl oblysynda COVID-19 koronavırýstyq ınfektsııaǵa shaldyqqan 45 adam anyqtaldy. Sonymen qatar 268 adam medıtsınalyq baqylaýda.