Búgin Konferentsııa lıgasynyń fınalynda «Fıorentına» men «Vest Hem ıÝnaıted» kezdesedi

ASTANA. QazAqparat - Mamyrdyń 7-nen 8-ne qaraǵan túni fýtboldan UEFA Konferentsııa lıgasynyń fınaly ótkiziledi, dep habarlaıdy QazAqparat tilshisi.

Bul kúni «Fıorentına» (Italııa) men «Vest Hem ıÝnaıted» (Anglııa) kezdesedi.

Kezdesý elorda ýaqytymen 00:50-de bastalyp, «Qazsport» telearnasynan tikeleı efırde kórsetiledi.

Oıynda ıspanııalyq Karlos Del Serro Grande bas tóreshi qyzmetin atqarady. Oǵan otandastary Paý Sebrıan Devıs pen Gvadalýpe Porras Aıýso kómekshilik jasaıdy.

Qosalqy tóreshi de - ıspanııalyq Hesýs Hıl Mansano.

Eki komanda óz tarıhynda tuńǵysh ret kezdesip otyr.

Qazirge deıin atalǵan jarystyń toptyq kezeńinde «Fıorentına» A tobynda Latvııanyń RFSh (1:1, 0:3), Túrkııanyń «Istanbýl Bashakshehır» (0:3 2:1), Shotlandııanyń «Harts» (3:0, 5:1) komandalarymen kezdesti.

Odan keıin Portýgalııanyń «Sportıng Braga», Túrkııanyń «Sıvasspor», Polshanyń «Leh», Shveıtsarııanyń «Bazel» komandalaryn qapy qaldyryp ketti.

Al «Vest Hem ıÝnaıted» toptyq kezeńde V tobynda «Anderleht» (Belgııa), «Sılkeborg (Danııa), FKSB (Rýmynııa) klýbtarymen synǵa tústi.

Odan keıin Grekııanyń AEK, Belgııanyń «Gent», Nıderlandtyń «AZ Alkmaar» klýbtarynan basym tústi.

Eske sala keteıik, budan buryn «Altyn dop» ıegeri Karım Benzema «Real Madrıd» klýbynan ketken bolatyn.