Búgin Konfederatsııa kýbogy 2017 jarysynyń jerebesi tartylady
ASTANA. QazAqparat - Búgin Astanadaǵy «Kerýen» saýda ortalyǵynda Konfederatsııa kýbogy-2017 jarysynyń jerebe tartý rásimi ótedi, dep habarlaıdy QazAqparat tilshisi.
Kúsh qoldanylatyn sport túrleri jáne sporttyq jekpe-jek konfederatsııasynyń uıymdastyrýymen bıyl ekinshi ret «Konfederatsııa kýbogy» ótedi. Jerebe tartý rásimine Olımpıada jáne álem chempıonattarynyń júldegerleri qatysady.
Atalǵan jarysqa elimizdiń 16 óńiriniń sańlaqtary sporttyń 5 túrinen jarysqa túsedi. Jarystyń ereksheligi bir mezette kórermender boks, grek-rım kúresi, erkin kúres, dzıýdo jáne taekvondo sport túrleri boıynsha saıystardy tamashalaı alady.
16 komanda 4 topqa bólinip qazan aıynda Aqtaý, Shymkent, Taraz jáne Taldyqorǵan qalalarynda irikteý kezeńderin ótkizedi. Sol jarysta ár sport túri boıynsha úzdik shyqqan komandalar jeltoqsan aıynyń 2-3 aralyǵynda Almaty qalasynda ótetin aqtyq kezeńde baqtaryn synaıtyn bolady.
Júlde qory 125 mln teńge. Bir sport túri boıynsha jeńiske jetken komanda 25 mln teńgege ıe bolady.
