Búgin - Kompıýtershi kúni
ASTANA. 14 aqpan. QazAqparat - 14 aqpan - Kompıýtershi kúni resmı emes, biraq kásibı salada keńinen atap ótiletin mereke.
1946 jyly 14 aqpanda ǵylymı álemge jáne qyzyǵýshylyq tanytqan barsha jurtqa ENIAC I (Electrical Numerical Integrator And Calculator) alǵashqy elektrondyq kompıýter tanystyryldy. Eń qyzyǵy, tuńǵysh eseptegish mashınanyń ázirlenýine amerıkandyq armııa demeýshilik etti. Olarǵa kompıýter áskerı esepteýler jasap, josparlar qurýǵa qajet boldy. ENIAC I 1955 jyldyń 2 qazanynyń 23 saǵat 45 mınýtyna deıin jumys istedi, keıin ol bólshekteldi.
Árıne, budan da erte shyqqan kompıýterler boldy, biraq olardyń bári prototıpter jáne eksperımenttik nusqalar boldy. ENIAC bolsa, is júzindegi mindettermen naqty jumys isteıtin alǵashqy kompıýter boldy.
ENIAC sol kezdegi kókeıkesti ári qajetti mindetterdiń biri - armııanyń ballıstıkalyq kestesin esepteý úshin ázirlendi.
