Búgin keshke «Qaırat» «Bordo» komandasymen kezdesý úshin Frantsııaǵa attanady
ALMATY. QazAqparat - Búgin keshke Almatynyń «Qaırat» fýtbol klýby «Bordo» komandasymen kezdesý úshin Frantsııanyń Bordo qalasyna ushyp ketedi.
Bul týraly komandanyń baspasóz qyzmetinen habarlady.
Almatylyqtar osydan eki aptadaı buryn eki matchtyń qorytyndy esebi boıynsha Shotlandııaynyń «Aberdın» fýtbol klýbynan basym túsken bolatyn. Endi Vladımır Vaısstyń shákirtteri «Bordo» komandasymen jasyl alańǵa shyǵady.
Birinshi oıyn 21 tamyzǵa qaraǵan túni Bordo qalasyndaǵy "Nývo Stad de Bordo" stadıonynda Almaty ýaqyty boıynsha túngi saǵat 00:30-da bastalady.
Aıta ketelik, Eýropa Lıgasynyń ótken raýndynan keıin Almatynyń «Qaıraty» ushý uzaqtyǵy boıynsha rekordshy atanǵan bolatyn. Bordo qalasyna baryp qaıtqan soń, almatylyqtar bul rekordty da jańartatyn bolady. Komanda Bordo qalasyna deıin 5947 shaqyrymdy artqa tastaıdy.
