Búgin keshke elordalyq avtobýstardyń baǵyttary ózgeredi
ASTANA. QazAqparat - Astanada Abaı dańǵyly men Sembınov kóshesiniń qıylysynda, sondaı-aq Abaı dańǵylynyń Ýálıhanov kóshesinen Beısekbaeva kóshesine deıingi ýchaskede jol jóndeý jumystarynyń ótkizilýine baılanysty keshki saǵat 21:00 bastap № 5, 8, 14, 22, 40, 42, 64, 73 jáne 106 avtobýstarynyń qozǵalys syzbalary ýaqytsha ózgeredi
Bul týraly ákimdiktiń baspasóz qyzmetinen málim etti.
Máselen, № 8, 22, 40 jáne 106 avtobýstar Ýálıhanov - Kenesary kóshelerimen júrip, odan ári qazirgi syzba boıynsha jyljıdy jáne osy syzbamen keri qaıtady.
№ 5, 14, 64 jáne 73 marshrýttar Ýálıhanov - Kenesary - Beısekbaev - Jubanov - Kenesary kóshelerimen júrip, odan ári qazirgi syzba boıynsha qozǵalady. Osy syzbamen keri qaıtady.
№ 42 baǵyt Seıfýllın - Sembınov kóshelerimen júrip, odan ári qazirgi syzbasyna qaıta túsedi. Keri baǵyty - osy syzba boıynsha.
Jol jóndeý jumystary aıaqtalǵannan keıin avtobýstar burynǵy qozǵalys kestelerine qaıta túsetin bolady.
