Búgin - Kedeılerge kómek kórsetýdiń halyqaralyq kúni
ASTANA. 19 jeltoqsan. QazAqparat - 19 jeltoqsan kúni álemdik qaýymdastyq Kedeılerge kómek kórsetýdiń halyqaralyq kúnin atap ótedi.
Halyqaralyq sarapshylardyń málimetinshe, HH ǵasyrdyń sońyndaǵy jaǵdaı boıynsha, Ǵalamshar halqynyń tórtten bir bóligine jýyǵy, ıaǵnı bir jarym mıllıard adam kedeıshilikte ómir súredi. Osyǵan baılanysty BUU kedeılikti joıýdy maqsat etetin birneshe baǵdarlamany qabyldady.
Joqshylyqty joıý boıynsha alǵashqy baǵdarlamalar 2000 jyldyń basynda júzege asyryla bastady, biraq, kedeıshilikte ómir súretinderdiń sany áli de azaıar emes.
Kedeıshilik aqshanyń joqtyǵyn ǵana emes, sondaı-aq laıyqty jumystyń, baspananyń, jaqsy bilim men densaýlyqqa qoljetimdiktiń bolmaýyn bildiredi.
