Búgin Qazanda stýdentterdiń 2013 jylǵy Jazǵy ýnıversıadasy bastalady
ASTANA. 6 shilde. QazAqparat - Senbi kúni Qazanda jazǵy Ýnıversıada-2013 sporttyq sharasynyń saltanatty ashylýy bolady.
Stýdentterdiń jazǵy jarystary Halyqaralyq ýnıversıtet sporty federatsııasymen eki jylda bir ret ótkiziledi. Qazan Ýnıversıadany ótkizý quqyǵyna 2008 jyly qol jetkizdi.
Ýnıversıada-2013 barysynda 27 sport túrinen 350 medal jıyntyǵy sarapqa salynady. Jarystar 17 shildege deıin jalǵasady.
Tatarstan Prezıdenti Rýstam Mınnıhanovtyń sózine qaraǵanda, 2009 jyldan beri sporttyq jáne kóliktik nysandardyń qurylysyna, sondaı-aq Ýnıversıada qarsańynda ınfraqurylymdy qurýǵa 220 mlrd. rýblden astam qarjy bólindi.
Buǵan deıin habarlaǵanymyzdaı, atalmysh Ýnıversıadaǵa Qazaqstannyń 135 sportshysy attandy.
