Búgin Qazanda Qazaqstannyń qos boksshysy sheshýshi shaıqasqa túsedi
ASTANA. 10 shilde. QazAqparat - Búgin Qazan qalasynda ótip jatqan HHVII Jazǵy ýnıversıadanyń besinshi kúninde eń myqty boksshylar altyn júlde úshin tartysty jekpe-jekterin ótkizedi.
Sońǵy kúngi sheshýshi shaıqasqa Qazaqstannyń qos bylǵary qolǵap sheberi shyǵady. Atap aıtqanda, 56 kelige deıingi salmaq boıynsha Rýstam Rýstamov reseılik Sergeı Vodopıanovpen sharshy alańda kezdesedi.
Sondaı-aq asa aýyr salmaqta (+91) Jan Kosobýtskıı Reseıdiń taǵy bir boksshysy Magomed Omarovpen qolǵap túıistiredi.
Aıta keteıik, on salmaq boıynsha ótetin fınaldyq jekpe-jekterdiń 8-inde Reseı boksshylary sharshy alańǵa shyqpaqshy.
