Búgin qazaqtyń dańqty balýany Dáýlet Turlyhanovtyń týǵan kúni
ASTANA. QazAqparat - Búgin qazaqtyń dańqty balýany Dáýlet Turlyhanovtyń týǵan kúni, dep habarlaıdy QazAqparat.
Dáýlet Bolatuly Turlyhanov 1963 jyly 18 qarashada Shyǵys Qazaqstan oblysynyń Jarma aýdanynda dúnıege kelgen. Týrızm jáne sport akademııasyn, ál-Farabı atyndaǵy Qazaq ulttyq ýnıversıtetin bitirgen. Balýan, grek-rım kúresinen eńbek sińirgen sport sheberi, Qazaqstannyń eńbek sińirgen qaıratkeri, Qazaqstan jáne Qyrǵyzstan Respýblıkalarynyń eńbek sińirgen jattyqtyrýshysy.
Qazaqstannyń jáne halyqaralyq týrnırlerdiń jeńimpazy, KSRO-nyń jeti dúrkin chempıony, KSRO halyqtary spartakıadasynyń kúmis júldegeri, jáne jeńimpazy, Eýropa chempıony, Álem chempıony jáne kúmis júldegeri, qola júldegeri, Álem kýbogynyń eki márte jeńimpazy, 12-shi Azııa oıyndarynyń jeńimpazy, Azııanyń eki dúrkin chempıony, 24-25-shi Olımpıadalyq oıyndarynyń kúmis, qola júldegeri bolǵan. 1995-1999 jyldary eki márte Qazaqstan Respýblıkasy Parlamenti Májilisiniń depýtaty bolyp saılanǵan. 2000-2006 jyldary Týrızm jáne sport agenttiginiń tóraǵasy, Mádenıet, aqparat jáne sport mınıstrligi Sport komıtetiniń tóraǵasy qyzmetterin atqarǵan.
Qyrǵyzstan olımpıadalyq qozǵalysyn damytýǵa sińirgen eńbegi úshin Olımpıadalyq ordenmen, FILA, QR Ultyq olımpıadalyq komıtetiniń altyn medaldarmen, І dárejeli Uly Petr ordenimen, kóptegen medaldarmen marapattalǵan. Qazaqstannyń Eńbek sińirgen qaıratkeri (2000). ShQO Úrjar aýdanynyń qurmetti azamaty.
Biz búgin dańyqty balýanymyzdyń 53 jasqa tolǵan mereıli kúnimen quttyqtaımyz.
