Búgin Qazaqstanyń 5 qalasynda aýa sapasy tómendeýi yqtımal
ASTANA. QazAqparat - «Qazgıdromet» RMK 9 sáýir kúni Qazaqstannyń qalalaryndaǵy aýa sapasyna áser etýi múmkin qolaısyz meteojaǵdaılar týraly aıtty, dep habarlaıdy «QazAqparat» HAA.
Astana, Qostanaı, Kókshetaý, Qyzylorda, Aqsý, Ekibastuz, Pavlodar, Petropavl, Taldyqorǵan, Taraz, Aqsaı, Oral, Óskemen qalalaryndaǵy meteojaǵdaılar atomosferadaǵy zııandy zattardyń ydyraýyna yqpal etedi.
Aqtaý, Jańaózen, Atyraý, Qaraǵandy, Shymkent qalalaryndaǵy meteojaǵdaılar atmosferada lastaýshy zattardyń jınalýyna áser etedi.
2018 jyldyń 1 qańtarynan bastap, Qazgıdromet mekemesiniń www.kazhydromet.kz saıtynda aldaǵy táýlikterdegi jaısyz meteorologııalyq jaǵdaılar týraly boljamdy bilýge bolady.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵal, aýa temperatýrasy) boljamy.
