Búgin - Qazaqstannyń Jol polıtsııasy kúni
ASTANA. Qarashanyń 23-i. QazAqparat. Búgin - Qazaqstannyń Jol polıtsııasynyń kúni. Egemendi Qazaqstanda Memlekettik avtoınspektsııa týraly alǵashqy ereje 1992 jyly 23 qarashada QR Mınıstrler Kabınetiniń Qaýlysymen bekitildi. Naq osy kún Qazaqstan Respýblıkasynyń MAI kúni bop esepteledi.
1996 jyly 3 qańtarda Memlekettik avtoınspektsııa Jol polıtsııasy bolyp qaıta ataldy. Qazirgi jol polıtseıleriniń birinshi kezektegi mindetteri qoǵamdyq tártipti saqtaý, qylmyspen kúres, jol qozǵalysy qaýipsizdigin qamtamasyz etýmen qatar azamattardy joldardaǵy kez kelgen qylmystyq qaýip-qaterlerden saqtaý bolyp tabylady.
