Búgin Qazaqstannyń úsh qalasynda aýa lastanady
NUR-SULTAN. QazAqparat – Búgin Qazaqstannyń úsh qalasynda aýa lastanady, dep habarlaıdy QazAqparat «Qazgıdomet» RMK-nyń málimetterine silteme jasap.
Kásiporyn taratqan derekterge qaraǵanda, 2020 jylǵy 5 qarashada Nur-Sultan, Balqash jáne Shymkent qalalarynda aýa lastanyp, qolaısyz meteorologııalyq jaǵdaı qalyptasady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
