Búgin Qazaqstannyń soltústik jáne ońtústik bóliginde qar jaýady - Qazgıdromet
ANA. 19 aqpan. QazAqparat - «Qazgıdromettiń» boljaýynsha búgin, 19 aqpan kúni Qazaqstannyń soltústik jáne ońtústik bóligine atmosferalyq aǵymdar áser etedi.
Atalmysh aýmaqtarda qar jaýady, túnde ońtústikte onyń ekpini údeı túsedi. Al respýblıkanyń qalǵan bóligi joǵary atmosferalyq qysym beldeýinde bolady.
Atap aıtqanda, túnde Aqmola oblysynda keı jerlerde jaıaý burqasyn júrip, tuman men 15-20 m/s ekpinde jel kútilýde.
Almaty, Aqtóbe, Qostanaı oblystarynyń jekelegen jerlerinde tuman, Jambyl, Ońtústik Qazaqstan oblystarynda keı aýmaqtarda - tuman men kóktaıǵaq bolýy yqtımal.
Gıdrologııalyq boljamdarǵa sáıkes, aldaǵy úsh táýlikte Syrdarııa, Shý ózenderi men Almaty oblysynyń ózenderinde temperatýranyń tómendeýine baılanysty muz qatý úrdisi kúsheıedi. Jekelegen ózenderde sý deńgeıiniń aýytqýy baıqalady. Respýblıkanyń soltústigindegi ózenderde (Jaıyq, Esil, Nura, Ertis jáne t.b.) qysqy úrdister saqtalady.
