Búgin Qazaqstannyń soltústik, shyǵys jáne ortalyq aımaqtarynda temperatýra - 40 - 43 gradýsqa deıin tómendeýi múmkin - Qazgıdromet
ASTANA. Aqpannyń 9-y. QazAqparat - «Qazgıdromettiń» boljaýynsha búgin, aqpannyń 9-y kúni Qazaqstannyń ońtústik, ońtústik-shyǵys jáne shyǵys aımaqtaryna atmosferalyq aǵymdar bólikteriniń yqpaly saqtalady.
Al respýblıkanyń qalǵan aýmaqtaryndaǵy aýa raıyn antıtsıklonnyń sýyq taramdary anyqtaıtyn bolady.
Máselen, Almaty, Jambyl, Qyzylorda, Mańǵystaý, Aqtóbe jáne Shyǵys Qazaqstan oblystarynyń keı aýmaqtarynda burqasyndatyp, 15-20 m/s jyldamdyqpen jel soǵady dep kútilýde.
Ońtústik Qazaqstanda - keı jerlerde tuman, kóktaıǵaq bolady, sekýndyna 15-20 metr jyldamdyqpen jel soǵady.
Batys Qazaqstan jáne Atyraý oblystarynyń keı jerlerinde ońtústik-shyǵystan soqqan jeldiń ekpini 15-20 m/s-qa jetedi.
Qaraǵandy oblysynda keı aýmaqtarda burqasyn bolady dep boljanýda.
Al Qostanaı, Soltústik Qazaqstan, Aqmola, Pavlodar, Qaraǵandy jáne Shyǵys Qazaqstan oblystarynyń jekelegen aýmaqtarynda -40-43 gradýsqa deıin úskirik aıazdar bolýy yqtımal.
