Búgin Qazaqstannyń soltústiginde qar men burqasyn, ońtústiginde - jańbyr men sýly qar, tuman, kóktaıǵaq boljanýda
ASTANA. 2 aqpan. QazAqparat - «Qazgıdromettiń» boljaýynsha, búgin 2 aqpan kúni Qazaqstannyń basym bóligi atmosferalyq aǵymdardyń aýmaǵynda bolyp, respýblıkanyń soltústigine qar men burqasyn, ońtústigine - jańbyr men sýly qar túrindegi jaýyn-shashyndar, tuman men kóktaıǵaq alyp keledi.
Máselen, Almaty oblysynyń keı jerlerinde tuman, kóktaıǵaq kútilýde. Jalańashkól aýmaǵynda jeldiń ekpini sekýndyna 22-27, keı ýaqyttary 30 metrge deıin jetedi.
Jambyl, Qaraǵandy oblystarynda - keı jerlerde tuman, kóktaıǵaq, 15-20 m/s kúshpen jel soǵady.
Ońtústik Qazaqstan, Qyzylorda, Mańǵystaý oblystarynyń jekelegen jerlerinde tuman, kóktaıǵaq boljanýda.
Qostanaı jáne Soltústik Qazaqstan oblystarynyń keı óńirlerinde burqasyn, 15-20 m/s jyldamdyqta jel turady.
Aqmola oblysynda burqasyndatyp, sekýndyna 15-20 metr kúshpen jel soǵady.
