Búgin Qazaqstannyń soltústiginde burqasyndatyp, qatty jel turady, batysy men ońtústiginde tuman, kóktaıǵaq bolady
ASTANA. Qańtardyń 11-i. QazAqparat - Búgin, qańtardyń 11-i kúni Qazaqstannyń basym aımaǵy atmosferalyq aǵym bóliginde bolady dep kútilýde.
Eldiń soltústiginde burqasyndatyp, 15-20 m/s jyldamdyqpen jel soǵady, al ońtústigi men batysynda tuman, keı jerlerde kóktaıǵaq bolady, dep habarlaıdy QazAqparat QR TJM-ǵa silteme jasap.
Máselen, Almaty, Jambyl, Ońtústik Qazaqstan jáne Qyzylorda oblystarynyń keı jerlerine tuman túsedi, Almaty oblysynyń Jalańashkól aýmaǵynda ońtústik-shyǵystan soqqan jeldiń ekpini 15-20 m/s-qa deıin jetýi yqtımal.
Mańǵystaý jáne Atyraý oblystarynyń keı jerlerinde tuman, kóktaıǵaq bolady, sekýndyna 15-20 metr jyldamdyqqa deıin jel turady dep kútilýde.
Aqtóbe, Qostanaı, Soltústik Qazaqstan, Aqmola, Pavlodar, Qaraǵandy, Shyǵys Qazaqstan jáne túnde Batys Qazaqstan oblystarynda keı jerlerde burqasyndatyp, 15-20 m/s jyldamdyqpen jel soǵady dep boljanýda.
