Búgin Qazaqstannyń soltústigi men shyǵysynda jel turyp, burqasyn bolady - Qazgıdromet
ASTANA. Aqpannyń 3-i. QazAqparat - «Qagıdromettiń» boljaýynsha búgin, aqpannyń 3-i kúni Qazaqstannyń soltústik jáne shyǵys aımaqtary atmosferalyq aǵymdar bólikteriniń yqpalynda bolady.
Al respýblıkanyń qalǵan aýmaqtarynda aýa raıyn sibir antıtsıklonynyń taramdary anyqtaıdy.
Máselen, Soltústik Qazaqstan, Pavlodar, Aqmola jáne kúndiz Shyǵys Qazaqstan oblystarynda keı jerlerde burqasyndatyp, jeldiń ekpini 15-20 m/s-qa deıin kúsheıedi dep kútilýde.
Qyzylorda jáne Aqtóbe oblystarynyń keı aýmaqtarynda burqasyn, shyǵystan 15-20 m/s jyldamdyqpen jel soǵady.
Mańǵystaý, Atyraý jáne kúndiz Ońtústik Qazaqstan oblystarynyń keı bólikterinde shyǵystan sekýndyna 15-20 metr jyldamdyqpen jel soǵady, Jambyl oblysynda - keı jerlerde tuman, 17-22 m/s jyldamdyqta jel turady, kúndiz keı aýmaqtarda kóktaıǵaq bolýy yqtımal.
Almaty oblysynyń jekelegen jerlerinde - tuman, Jalańashkól aýmaǵynda ońtústik-shyǵystan 18-23 m/s jyldamdyqpen jel soǵady dep boljanýda.
