Búgin Qazaqstannyń shyǵysynda jaýyn, ońtústik-shyǵysta kúshti jel men burqasyn kútilýde, batys aımaq antıtsıklonnyń yqpalynda bolady
ASTANA. Naýryzdyń 27-si. QazAqparat - Búgin, naýryzdyń 27-si kúni respýblıkanyń shyǵys bóligi atmosferalyq aǵymdar bólikteriniń yqpalynda bolady, bul aýmaqta jaýyn jaýýy múmkin. Ońtústik-shyǵysta keı jerlerde kúshti jel turyp, burqasyn bolady. Al Qazaqstannyń batys bóligi antıtsıklonnyń áserinde bolmaq,
dep habarlaıdy QazAqparat «Qazgıdrometke» silteme jasap.
Máselen, Almaty oblysynyń keı jerlerin tuman basady, túnde jeldiń ekpini 15-20 m/s-qa jetedi dep kútilýde. Jalańashkól aýmaǵynda onyń kúshi 20-25, keı ýaqyttary 30 m/s-qa deıin artýy yqtımal.
Qyzylorda oblysynda, túnde Ońtústik Qazaqstan, kúndiz Jambyl oblystarynda keı aýmaqtarda 15-22 m/s jyldamdyqpen jel soǵady.
Aqtóbe oblysynda - túnde jekelegen jerlerde tuman bolady. Qostanaı, Soltústik Qazaqstan oblystarynyń keı aýmaqtarynda sekýndyna 15-22 metr jyldamdyqta jel turady, túnde burqasyn boly múmkin.
Qaraǵandy oblysynda - keı jelerde 17-22 m/s ekpinde jel bolady, túnde kóktaıǵaq, kúndiz burqasyn kútilýde.
Aqmolada - túnde sekýndyna 17-22 metr jyldamdyqpen soqqan jeldiń ekpini keı ýaqyttary 27-ge deıin jetýi múmkin.
Pavlodar oblysynda - burqasyn, 15-20 m/s jyldamdyqta jel turady, keı jerlerde onyń kúshi 25 m/s jetedi dep boljanýda.
Shyǵys Qazaqstan oblysynyń keı jerlerin tuman basyp, kóktaıǵaq bolady, 17-22 m/sekýndtyq jeldiń ekpini 25-30 m/s-ǵa deıin jetýi múmkin.
