Búgin Qazaqstannyń ońtústiginde aýa raıy - jyly, jaýyn-shashynsyz, soltústiginde - jańbyr kútilýde
ASTANA. Qyrkúıektiń 29-y. QazAqparat - «Qazgıdromettiń» boljaýynsha búgin, qyrkúıektiń 29-y kúni Qazaqstannyń ońtústik bóligi antıtsıklonnyń yqpalynda bolady, munda jaýyn-shashynsyz jyly aýa raıy kútilýde. Al respýblıkanyń soltústik bóligine tómen qysymdy atmosfera áser etpek, munda jańbyr jaýady dep boljanyp otyr.
Máselen, Pavlodar, túnde Shyǵys Qazaqstan, kúndiz Qostanaı, Batys Qazaqstan men Atyraý oblystarynyń jekelegen jerlerinde 15-20 m/s jyldamdyqta jel turady.
Túnde Aqmola, Qaraǵandy, Soltústik Qazaqstan oblystarynyń keı óńirlerinde tuman bolýy yqtımal.
Qazaqstannyń ońtústiginde, sondaı-aq ortalyq, batys, shyǵys jáne ońtústik-shyǵystyń keıbir aımaqtarynda órt qaýpi saqtalady.
