Búgin Qazaqstannyń keıbir aımaqtarynda úsik júredi
NUR-SULTAN. QazAqparat - Búgin, 21 tamyzda Mańǵystaý oblysynyń batysynda, ońtústiginde, ortalyǵynda shańdy daýyl turady. Jel ońtústik-shyǵystan soǵady, dep habarlaıdy QazAqparat Qazgıdrometke silteme jasap.
Tańerteń jáne kúndiz Aqmola oblysynyń soltústiginde naızaǵaı oınaıdy. Oblystyń soltústiginde, shyǵysynda túnde jáne tańerteń tuman túsedi, batysynda túnde topyraq betinde 2 gradýs úsik júredi.
Kúndiz Almaty oblysynyń taýly aýdandaryna burshaq jaýady. Soltústik-shyǵys jeli oblystyń soltústiginde, ońtústiginde jáne taýly aýdandarynda 15-20, kúndiz ekpini 23 m/s deıin soǵady.
21 tamyzda Qostanaı oblysynyń soltústiginde, shyǵysynda naızaǵaı oınaıdy. Túnde jáne tańerteń oblystyń soltústiginde, shyǵysynda tuman túsedi. Soltústik-batystan, soltústikten jel soǵady, naızaǵaı kezinde ekpini - 15-20 m/s.
Tańerteń jáne kúndiz Qyzylorda oblysynyń ortalyǵynda soltústik-shyǵystan jel soǵady, kúshi 15-20 m/s kútiledi. Oblystyń basym bóliginde tótenshe órt qaýpi saqtalady.
21 tamyzda kúndiz Aqtóbe oblysynyń soltústiginde, shyǵysynda naızaǵaı oınaıdy. Soltústik-shyǵystan jel soǵady, naızaǵaı kezinde ekpini - 18 m/s .
Al Batys Qazaqstan oblysynyń batysynda shyǵystan, ońtústik-shyǵystan jel soǵady, ekpini - 15-20 m/s.
Kúndiz Shyǵys Qazaqstan oblysynyń soltústiginde, shyǵysynda naızaǵaı oınaıdy. Túnde oblystyń soltústiginde tuman túsip, shyǵysynda jer betinde 2 gradýsqa deıin úsik júredi.
Osy kúni Túrkistan oblysynyń soltústiginde, batysynda, taýly jáne taý bókterli aýdandarynda soltústik-shyǵystan jel soǵady, kúshi - 15-20, ekpini - 25 m/s. Oblystyń ońtústiginde, shyǵysynda tótenshe órt qaýipi saqtalady.
21 tamyzda túnde Pavlodar oblysynyń soltústiginde, shyǵysyńda tuman túsedi.
23 tamyz kúni kúndiz Jambyl oblysynyń taýly aýdandarda naızaǵaı oınaıdy. Soltústik-shyǵystan jel soǵady, 21-23 tamyzda oblystyń ońtústik-batysynda, soltústik-shyǵysynda, taýly aýdandarda - 15-20 m/s, 21-22 tamyzda ekpini 23 m/s kútiledi.
Túnde Qaraǵandy oblysynyń soltústik bóliginde topyraq betinde 2 gradýs úsik saqtalady.
