Búgin Qazaqstannyń keı jerlerinde jaýyn-shashyn bolyp, jel kúsheıdi - Qazgıdromet
ASTANA. QazAqparat - 23 aqpan kúni elimizdiń basym bóliginde frontaldi aýa aǵymdarynyń ótýine baılanysty aýa raıynyń qubylmalylyǵy baıqalady. Keı jerlerde jaýyn-shashyn bolyp, tuman túsedi, kóktaıǵaq, jeldiń ekpininiń artýy kútiledi. Eldiń ońtústiginde kún kúrkireıdi, dep habarlaıdy «Qazgıdromet» RMK.
Almaty oblysynyń keı jerlerinde kún kúrkirep, Jalańashkól aýdanynda jeldiń kúshi 18-23 m/s deıin jetedi.
Jambyl, Qyzylorda oblystarynyń keı jerlerinde tuman túsip, 15-20 m/s jel bolady. Ońtústik Qazaqstan oblysynda keı bólikterinde tuman túsip, kún kúrkireıdi, 15-20 m/s jel soǵady. Atyraý, Mańǵystaý oblystarynda keı jerlerinde tuman túsedi. Shyǵys Qazaqstan, Qaraǵandy, Aqmola, Soltústik Qazaqstan, Qostanaı, Batys Qazaqstan oblystarynyń keı aımaqtarynda tuman túsip, kóktaıǵaq bolady, jeldiń ekpini 15-23 m/s deıin kúsheıedi.
